Со самостојна изложба на уметнички слики и скулптури во Уметничката галерија пред тетовската публика се претставува Афердита Кики. Вечерва во изложбениот простор на Галеријата се одржа свечено отворање на изложбата.
-Изложени се 15 дела во комбинирани техники, слики со употребна други материјали како дрво. Ова е трето претставување на авторката во Тетово по изложбите во 2009 и 2018 година, информираа од Галеријата.
Афердита Кики е родена 1971 во Германија, а живее и работи во Скопје. Дипломирала на Факултетот за ликовни уметности на Универзитетот во Тетово во класата на Тахир Емра. Досега имала девет самостојни и повеќе групни изложби. Добитник е на награда за творештво од организацијата Полио Плус и наградата „Мое перо“.