Утревечер во Центарот за култура „Трајко Прокопиев“ во Куманово, концерт ќе одржи саксoфонистот Иван Трајаноски, со пијано придружба на Билјана Петровска.
Трајаноски е прогласен за лауреат на многу домашни и меѓународни натпревари. Настапувал во Србија, Словенија и Црна Гора и како солист со Македонската филхармонија.
На програмата се дела на Нода, Итуралде, Ѓумар, Дебиси и Мучински.
Трајаноски основно музичко образование и саксoфонот од 10-годишна возраст започнува да ги изучува во Државниот музички и балетски училишен центар “Илија Николовски –Луј”.
Своето музичко образование го продолжи во истото училиште и во моментов е ученик во четврта година.
Концертот започнува во 19:30 часот.
Елена Георгиевска