Во Македонската академија на науките и уметностите денеска ќе биде промовирана тритомната студија на проф. д-р Трајче Стојанов – „Руска религиска философија“.
Книгите се дел од библиотеката Филозофија на издавачката куќа „Аз-Буки“, односно 70, 71, 72 издание од оваа најзначајна филозофска едиција во нашата земја.
Организатори на промоцијата се Центарот за стратегиски истражувања при МАНУ, Универзитетот „Гоце Делчев“ – Штип, Филозофското друштво на Македонија и Издавачката куќа „Аз-Буки“. Проф. Д-р Трајче Стојанов е професор на Факултетот за образовни науки на Универзитетот „Гоце Делчев“ во Штип.
Настанот е поддржан од Амбасадата на Руската Федерација во земјава. Собирот ќе го поздрави рускиот амбасадор Сергеј Баздникин.
Промотор на оваа студија на професорот на Факултетот за образовни науки на УГД, д-р Трајче Стојанов, ќе биде проф. д-р Ристо Солунчев.