Во мултимедијалниот културен центар „Матица ексклузив“ денеска напладне ќе биде промовирана поетската книга „Цртани жени“ од Братислав Ташковски, објавена од „Панили“ од Скопје.
Братислав Ташковски е поет, романсиер и драмски писател. Негови дела се преведени на англиски, албански и бугарски јазик. За своето творештво добитник е на наградите „Студентски збор“, „Млад борец“, „Браќа Миладиновци“, „Рациново признание“ и „Ацо Шопов“. Застапуван е во антологиски избори од македонска поезија.
Книгата ќе ја промовираат Иван Џепароски и Анастасија Ѓурчинова, а стихови ќе интерпретира актерот Томе Витанов.