Проекција на документарниот филм „Граѓанин Европа“

Документарниот филм „Граѓанин Европа“ во режија на Ангелики Аристомонопулу и Андреас Апостолидис ќе биде прикажан денеска на Филолошкиот факултет, информираат од Здружението за промоција на документаристика „МакеДокс“.

Филмот раскажува пет приказни на учесници во програмата „Еразмус“, кои работат, учат и волонтираат низ Европа. Младите протагонисти за прв пат ги напуштаат своите домови за да си докажат дека можат да преживеат во непозната средина. Млади од Франција, Германија, Полска, Бугарија и Етиопија патуваат за Литванија, Финска, Грција и Ирска и мораат да се адаптираат на различни култури и менталитет.

Филмот прави споредба на искуството на денешните млади учесници во програмата „Еразмус“ со првите учесници од 1987 година. Преку стари фотографии и аматерски видеа тие се сеќаваат на Европа каква била и како тоа искуство влијаело на нив. Филмот најмногу им се обраќа на студентите и на младите и им ги претставува европските образовни програми, можностите за студентска размена и стекнување на работно искуство во Европа преку програмата „Еразмус“.

По проекцијата, како што наведуваат од Здружението „МакеДокс“, ќе се одржи панел-дискусија со студентите и со претставници на Националната агенција за европски образовни програми и на Делегацијата на Европската Унија. Дискусијата ќе се одвива на англиски јазик и ќе ја модерира Тања Кригер, директорка на Гете-институтот во Скопје.

Настанот е бесплатен и отворен за сите поранешни и идни корисници на програмата „Еразмус“ и се реализира со поддршка на Moving Docs и Гете Институт – Скопје, се наведува во соопштението од „МакеДокс“.

Би можело да ве интересира

„Соседи“ документарен филм за подигнување на свеста за правата на лицата со психо-социјални нарушувања

Ана Ололовска

Документарниот „Медена земја“ најдобар филм на фестивал во Тел Авив

Ана Ололовска

Промоција на збирка документарни етнолошки филмови

Ана Ололовска

Отворен конкурс за Прв меѓународен фестивал на кратoк филм „ФИЛМАЈ 2019“

Ана Ололовска

Победата на „Медена земја“ е голема афирмација на нашата земја и култура, четситка од Заев до авторите

Ана Ололовска

Македонскиот филм „Медена земја“ прогласен за најдобар светски документарец на „Санденс“

Ана Ололовска