Во фоајето на Македонската опера и балет, во рамки на Мајските оперски вечери, денеска ќе бидат поставени дел од авторските скулптури во камен на скулпторот Александар Ефтимовски.
Тој е роден во Скопје, во 1988 година. Дипломира на Академијата за ликовни уметности во Фиренца за скулптура и визуелна уметност. Магистрира на Академијата за ликовни уметности во Карара и се посветува на обработка на камен.
За време на своите студии, учествува во многу групни изложби, а неговата прва самостојна изложба наречена „Мо(ну)ментал Идеас“ се оддржа во Љубљана, Словенија.
Добитник е на награда на Биенале во Сан Николо, Италија и добитник е на повеќе стипендии, награди и признанија.
Денес работи и твори во студиото на Академик Боро Митриќески.