Повик за учество на четвртата студентска филолошка конференција „Како си ми?“

Од:

На Филолошкиот факултет „Блаже Конески“ на 14 април ќе се одржи четвртата студентска филолошка конференција „Како си ми?“, на која се поканети да учествуваат студенти од сите универзитети и факултети во Македонија кои се на додипломски студии или дипломирале во последните 12 месеци.

– Конференцијата ќе се состои од презентирани десетминутни групни или индивидуални излагања по кои ќе има дискусија. Темите на излагањата може да бидат од областа на филологијата, лингвистиката, книжевноста, културата, методиката, преведувањето или толкувањето, или други области поврзани со нив. Работен јазик на конференцијата е македонски, а темите може да бидат споредбени, соопшти организаторот.

Идејата на настанот е да се поттикне интересот кај студентите за истражувачка работа, јавна презентација и дискусија на темите што ги интересираат студентите за време на нивните студии.

Организаторите ги охрабруваат и студентите кои не студираат на Филолошкиот факултет, а чии дисциплини имаат допирни точки со филологијата, да се пријават на повикот кој трае до 1 март.

За пријавување потребно е да се испратат лични податоци, тема на излагањето и апстракт (од 150 до 200 зборови) на [email protected]. Повеќе информации има на facebook.com/kakosimi.flf и на блогот: kakosimi.wordpress.com.

Би можело да ве интересира

Премиера на детската театaрска претстава „Плашливиот Лав“

Предраг Петровиќ

Светска премиера на симфониската суита „Итар Пејо“ од Филип Иванов

Концерт на Италијаните Мариголд Бокс

Предраг Петровиќ

Кој ќе биде новиот Џејмс Бонд

Предраг Петровиќ

Застрашувачки трилер на Нетфликс: Сè застана на еден час

Предраг Петровиќ

Тематски стрип конкурс за ученици од Србија, Македонија и Албанија