На директорката на Музејот на современата уметност Елиза Шулевска денеска ќе и биде врачено одликувањето „Заслужна за полската култура“, што го доделува министерот за култура и национално наследство на Република Полска.
Признанието за особен придонес во промоцијата на полската култура ќе го врачи министерката за култура и национално наследство на Република Полска, Малгожата Омилановска, која е во еднодневна работна посета на Република Македонија.
Одликувањето се доделува на личности кои се заслужни во создавањето, промовирањето и заштитата на полската култура.