Во организација на Град Скопје и Музејот на Град Скопје денеска почнува деветтата по ред Меѓународна ликовна колонија „Скопје 2014“, која ќе трае до 30 август.
Годинава на своите ликовни дела свој потпис ќе остават десет академски ликовни уметници, припадници на различни генерации и творечки определби, кои живеат и создаваат во различни средини, меѓу кои се Нева, Валбона Атанасковска, Дејан Иванов, Гоце Илиевски и Коста Клифов од Македонија, како и Роман Кисјов од Бугарија, Зоран Илиќ од Србија, Ѓулај Инче од Турција, Клаудија Шефлер од Германија и Александар Вукотиќ од Црна Гора.