Со изложбата на инсталации „Праг на толеранција“ на авторите Маја Кировска, Марија Сотировска, Ивана Пирковска и Тони Димитров, во Галеријата „Венеција“ во Виница синоќа почна петтото издание на фестивалот „Слободна зона“.
Во Галеријата „Теракопта“ се одржа проекција на филмот „Саша и Марија“ во режија на Атанас Ѓорѓиев и концерт на Рита Брага.
– Фестивалот годинава донесе нови содржини и млади творци, што предизвика голем интерес кај посетителите. Годинава го ставивме мотото „Остави трага!“ бидејќи сите учесници на фетсивалот оставаат траги на свој начин, истакна Ивана Атанасовска, координатор на прокетот и претседател на здружението ОЗТ Фабрика, организатор на фестивалот.
Во Градскиот парк денеска ќе биде отворена работилница со наслов „Бизарни штандови“, изложба на Владимир Лукаш „Осамениот космонаут и други ѕидни приказни“, а вечер ќе се одржи музички хепенинг со настап на повеќе македонски рок состави.
Фествалот завршува утре со поетскиот перформанс „Слободна поезија“ и театарската претстава „Лузни“ во режија на Драгана Стојчевска. Петтиот фестивал „Слободна зона“ финансиски го помогнаа Министерството за култура и општина Виница.