На претстојните 52-ри Рацинови средби во Велес што ќе се одржат од 11 до 13 јуни, почесното Рациново признание за 2015 година годинава ќе го добие Олга Панкина, писателка и преведувачка од Русија која живее и твори во Македонија.
Ова на денешната прес-конференција во Велес, го соопшти Васил Зафирчев директор на манифестацијата „Рацинови средби“.
– Панкина е заслужна за превод од македонски на руски јазик на повеќе од 50 изданија, рече Зафирчев.
Почесното Рациново признание се доделува традиционално за посебна афирмација на македонскиот јазик литература и култура надвр од Македонија.
Наградата на Панкина ќе и биде врачена на 12 јуни на свеченото доделување на наградите на Рациновите средби: Рациновото и Почесното Рациново признание за 2015 година.
Воедно, како што информира Зафирчев за наградата Рациново признание за 2015 годинава се пријавиле девет автори и издавачки куќи, а седумина од нив кои ги исполниле критериумите влегле во конкуренција.