Во изложбениот салон на НУ Центар за култура „Трајко Прокопиев“ – Куманово денеска беше отворена клупската изложба на уметничка фотографија „Мајски салон 2021“. Организатор на изложбата е Фото Кино клубот „Козјак“ од Куманово, а кумановци имаат можност да проследат 40-тина фотографии од 20 уметници.
– Оваа изложба е традиционална која ги претставува делата на нашите членови од ФКК „Козјак“, кои низ целата година учествуваат на различни републички, меѓународни изложби. Форматот на фотографиите е во поголема димензија и по тоа се разликува од останатите досегашни изложби. Темата е слободна од портрет, природа, архитектура, изјави Маријана Павличек од клубот.
Покровители на изложбата се Министерство за култура и Општина Куманово, а поддржана од Народна техника, НУЦК „Трајко Прокопиев“ под патронат на Фото Сојуз на Македонија.
Изложбата ќе биде поставена до средината на јуни годинава.