Oтворена фотоизложбата „Лазороска“ на Игор Цветковски во Мала станица

Од:

Во мултимедијалниот центар „Мала станица“ беше отворена изложбата на фотографии „Лазороска“ на фотографот и продуцент Игор Цветковски.

Уметник Гоце Наневски, кој ја отвори изложбата, ја потсети публиката на славните лазоровци: Партениј Зографски, Васил Апостолов Икономов, Исаија Маџовски, Никола Аврамов, Нестор Поповски, Рафе Андоновски, Анатолиј Дамјановски, Симон Дракул и други.

Наневски, подвлекувајќи дека и двајцата со Цветковски потекнуваат од истото прекрасно село Лазарополе, говореше за впечатокот што го оставиле врз него фотографиите на првото гледање. 

На изложбата беше промовирана и фотомонографијата со мотиви од Лазарополе, снимени во сите годишни времиња.

– Низ 100 страни и 64 пејсажни фотографии од Лазарополе од сите годишни времиња, ја изразив потребата на секое човечко битие да и се восхитува на природата во даден момент од својот живот. Фотомонографијата е оживување на душата на природата преку фотографии во боја направени во периодот на Ковид пандемијата во Лазарополе, вели Игор Цветковски, автор на фотомонографијата „Лазороска“.

Монографијата започнува и завршува со зима, фото сведоштва од две пандемиски години поминати во Лазарополе на фотографот Цветковски. Во книгата со скенирање на посебен код може да се чуе звукот на природата низ заживеаната народна песна „Лазороска“ во дип хаус верзија, преработка на младиот композитор Мартин Данчев.

Изложбата ќе биде отворена до крајот на април.

Би можело да ве интересира

Изложба на фотографии „Вечни тела“ на Жарко Стојчевски и Искра Шукарова

Во галерија „КО-РА “- мал салон отворена самостојна изложба на рачно изработен накит од Соња Драгољуб Гиздавиќ

А1он

Самостојната изложба на рачно изработен накит на Соња Драгољуб Гиздавиќ

Предраг Петровиќ

Во Албанија изложба на тетовски средношколци – „Едно парче уметност“ од Тетово во Тирана!

А1он

Изложбата на дигитални колажи „Барокна подморница“ од Влада Урошевиќ и Марко Трпески

“Ескапизам: Меморијата и идентитетот” самостојна изложба на младата уметница Мила Добревска