За портретот на човек кој носи црн шешир со пердув од ној и кој се третираше како копија на дело на Рембрант, утврдено е дека е оригинално дело на Рембрант и како такво, проценето е на сума од околу 20 милиони фунти.
Иако на едниот агол од делото кое датира од 1635-тата година стои потписот на Рембрант, сепак се сметало дека станува збор за копија направена од некој од неговите ученици.
Водечкиот експерт за делото на Рембрант, Ернст вон де Ветеринг, по долга анализа утврдил дека станува збор за оригинал.
Во текот на оваа година делото ќе биде дадено на чистење и на понатамошни анализи, помеѓу кои рентгенски анализи, анализи на пигментот, инфрацрвена рефлектографија и анализа на годовите на дрвената плоча на која е насликан портретот со цел утврдување на староста.