„Оро без граници“, Меѓународниот детски фолклорен фестивал оваа година ќе се одржи во поразлично издание. Децата нема да го одиграат најголемото детско оро, но виртуелно ќе пропатуваат заедно два дена низ различните култури и различните ритми на Северна Македонија, Бугарија, Грција, Полска, Словачка, Србија, Турција и Хрватска .
Програмата на оваа манифестација ќе може да се проследи на 19 и 20 септември со почеток во 12 часот на Фејсбук страната или на Јутјуб каналот на „Оро без граници“.
Детскиот културен центар Карпош е домаќин на настанот, гостуваат ансаблот Македонија и Каршиака , а главен покровител на настанот е Град Скопје.
Оро без граници е симбол на пријателство меѓу децата, што трае цели 29 години и е приказна која го буди најубавото и исконското во нас.