Во рамки на МОТ вечер на сцената „Зебра“ ќе биде изведена „О (ТЕЛО)“ на Скопје танцовиот театар во кореографија на Рисима Рисимкин.
Станува збор за концептуална претстава базирана на ликовите на тројцата танчери кои настапуваат. Се одвива во два претпростора и еден простор кои се дел од еден свет во кој тие живеат.
Главните улоги им се доверени на Андријана Данчевска, Дора Кокољ, Валентино Апостоловски, Андријана Андреева и Анастасија Данчева.
Музиката ќе биде изведена во живо од Виктор Апостоловски и неговиот бенд.