„Најсреќниот човек на светот“ и „Македокс“ добија поддршка од Креативна Европа МЕДИА

Од:

„Најсреќниот човек на светот“ – новиот филм во развој на продукцијата „Сестри и брат Митевски“ во режија на Теона Стругар Митевска, доби поддршка од Креативна Европа МЕДИА во износ од 30.000 евра на повикот за „Развој на проекти“.

Филмот е по сценарио на Теона Стругар Митевска и Елма Татарагиќ и ќе биде претставен на Канскиот филмски фестивал пред повеќе продуценти, дистрибутери, продажни агенти, фестивалски селектори како дел од програмата за развој на проекти Ателjе. Филмот „Најсреќниот човек на светот“ ја доби и првата награда за развој на проект од Еуроимаж во висина од 20.000 евра во рамките на маркетот Синелинк на Сараевскиот филмски фестивал.

Воедно, минатата недела МЕДИА Деск МК официјално објави и дека фестивалот на креативен документарен филм „Македокс“ петта година по ред доби поддршка од Креативна Европа МЕДИА на повикот за Фестивали .

– Поддршката за „Македокс“ се однесува за изданието во 2020-та година и изнесува 27.000 евра. Фестивалот „Македокс“ веќе го најави и партнерството со три фестивали на документарен филм (ДОК.фест Минхен, Докс Барселона и ФИПАДОК) со кои заедно ја формираат мрежата ФестДокс Нетворк. Партнерството меѓу овие четири клучни фестивали за документарни филмови е резултат на заедничката цел за поддршка и промоција на исклучителните креативни документарни филмови, како и зголемување на нивната достапност кон што поголема публика, соопштуваат од Креативна Европа МЕДИА Деск МК.

Би можело да ве интересира

Том Холанд ќе глуми во адаптацијата на епот „Одисеја“

А1он

Промоција на книгата „Милчо Манчевски“ и проекција на „Прашина“ во Кинотека

Предраг Петровиќ

„Бруталист“-апсолутен добитник на Златен глобус

Предраг Петровиќ

Курт Расел за The Hateful Eight: Морав да станам сосема нова личност

Предраг Петровиќ

Снимањето на серијата за Хари Потер започнува следната година: „Нова актерска екипа“

Предраг Петровиќ

Проекција на филмот „Божиќното танго“ во режија на Никос Кутелидакис