По повод одбележувањето на една година од работата во новиот објект, Македонскиот народен театар (МНТ) денеска ќе приреди целодневна програма, во рамките на која ќе се одржи голем театарски маратон.
Централен дел од маратонот ќе биде големиот концерт, насловен „МНТ и пријателите“ закажан за 21.30 часот, на кој ќе учествуваат актерите од насамблот на МНТ и актери гости од други театри.
Влезниците за секоја претстава и концертот се со симболична цена од 50 денари.
Првата година на МНТ во новиот објект ја одбележаа повеќе од 150 претстави кои ги проследиле околу 83.000 посетители.