Вечерва во НУЦК „Марко Цепенков“ во Прилеп, во 19 часот ќе биде отворена изложбата „ТИ“ од Мирјана Крстева- Масети.
За Масети се вели дека е автор што има современ графички израз, со примеси на лирска апстракција, како и дека е автор кој вертикалите ги доживува како седативна димензија и пред сè го негува цртежот како прв артикулиран медиум.
„Барајќи ја корелацијата меѓу минатото, сегашноста и иднината, трагам по создавање впечатливи композициски структури, од благо геометризирани, квадратно-правоаголани облици или форми (кои се појавуваваат и варираат скоро во секое дело во колористичката игра на полно-празно и меѓусебното преклопување на хроматски и ахроматски тонови) и експресивен линеаризам, (графизам); апликации од стари хартии и текстил“, вели Масети во најавата за изложабата.