Министерството за култура со писмена реакција повторно реагира на прес конференцијата на Роберт Алаѓозовски од СДСМ.
„Со денешната петта по ред прес-конференција, Роберт Алаѓозовски ќе остане запаметен како човек кој одржал најмногу прес-конференции на теми за кои не е квалификуван и воопшто не ги разбира.
Сметаме дека секое продолжување на медиумската комуникација со Алаѓозовски како прв човек на таканаречениот Совет за култура на СДСМ, е несуштинско, безпредметно и непродуктивно. Од наведените причини, Министерството за култура во иднина ќе се воздржи од било каков коментар за ставовите изнесени од негова страна“ стои во реакцијата од министерството.