Театарската претстава „Тобелија“ од Лубомир Јурковиќ, најистакнат современ драмски автор во Црна Гора, ќе се одржи вечерва, со почеток во 20.30 часот во Детскиот театарски центар во Стара Чаршија во Скопје.
Претставата е во режија на Словенецот Ник Упер. Играат: Јоана Поповска, Розита Огњанова и Камелија Лишковска.
Ова е меѓународен театарски копродукциски проект на Мал драмски театар – Битола, од Македонија, Ex Ponto од Љубљана, Словенија и Државно куклен театар и Фестивал за камерен театар од Враца, Бугарија.
Претставата е дел од програмата на фестивалот на Скопско лето.