Во Драмски театар вечер премиерно ќе биде изведена претставата „Љубовници“ по текст и во режија на Катерина Коцевска.
Станува збор за современа, урбана љубовна приказна меѓу гинеколог, адвокат и нивните сопруги. Не е дозволена за помлади од 16 години, може да ја гледа само повозрасната публика.
Играат Билјана Беличанец Алексиќ, Зоран Љутков, Драган Спасов – Дац и Маја Вељковиќ Пановска. Сценографијата е на Филип Гуолевски, а за костимите се погрижи Раде Василев.
„Љубовници“ е напишана во 2009 година и не е прв текст на Коцевска.
Како што информира Драмски, претставата е копродукциска и ќе биде ставена на редовниот репертоар на театарот.