Издавачката куќа „Феникс“ и Фондацијата за културна и научна афирмација и презентација „Македонија презент“, како организатори на традиционалната културна манифестација Фестивал на чајот и читањето, распишаа Конкурс за ликовни дела на тема „Книга и чај“.
Сите автори од Македонија и од странство имаат право да пратат неограничен број свои дела на оваа тема во кој било формат и во која било ликовна техника, а ќе бидат изложени на претстојниот Фестивал на чајот и читањето кој ќе се одржува од 4 февруари до 8 март во Културниот центар „Феникс“ во Скопје.
Најдобрите ликовни дела и автори ќе бидат наградени, а нивните ликовни дела ќе бидат презентирани на специјална изложба „Книга и чај“.
Ликовните дела, заедно со куса биографија за авторите, треба да се испраќаат на адреса: Издавачка куќа Феникс, ул.Костурски херои бр.35, 1000 Скопје, Република Македонија. Трудовите не се враќаат, а нив ќе ги разгледа и за наградите ќе одлучи посебна жири-комисија. Конкурсот трае до 15 јануари 2015 година.