Во Уметничката галерија во Куманово, вечерва во 20 часот ќе се отвори 8-та Меѓународната изложба на уметничка фотографија, „Фото Салон Куманово 2013“.
До организаторот за оваа изложба пристигнале дури 8.336 фотографии од 629 автори, од седумдесет држави.
„ФКК Козјак“ соопшти дека сите пристигнати фотографии се со специјално културни карактеристики.
По завршеното жирирање, жирито во состав Душко Јовановски (Македонија), Геза Ленарт (Србија) и Марјан Јаневски (Македонија) примиле 686 фотографии во слободна црно-бела тема, 803 фотографија во слободна колор тема, 538 фотографии на тема природа и 613 фотографии на темата живот посветена на доајенот на македонската фотографија, Живко Јаневски.
Елена Георгиевска