Во Кинотеката на Македонија вечер ќе биде отворен седмиот фестивал за снимање краток филм со мобилен телефон „Мобил фестивал“, кој го организира продуцентската и дистрибутерска куќа „КТ филм и Медиа“ од Битола.
Ќе бидат прикажани дваесетина филмови кои пристигнале на повикот за учество кој беше отворен еден месец. Филмовите се од македонски, но и од автори од соседни земји.
Најдобриот филм што ќе го избере тричлено жири ќе ја добие наградата „Ратка Илиева-Лале“, која се состои во стипендија од Универзитетот за аудиовизуелни уметности-ЕСРА. Ќе бидат доделени и награди за оригинална идеја, најиновативен филм и приказна.