Италијанскиот пијанист Маурицио Морети вечер ќе одржи концерт во катедралната црква Св. Софија во рамки на Охридско лето.
На програмата се дела од Шуман, Вагнер, Лист, Шопен, Дебиси, Момпоу и Барток.
Морети е еден од најистакнатите претставници на познатата италијанска пијанистичка школа. Во текот на неговата кариера Морети настапувал во најпрестижните европски сали, како и на концертни подиуми низ светот.
Покрај концертирањето, ангажиран е и како професор по пијано на Конзерваториумот во Калјари и гостин-професор на познатиот фестивал „Кусацу“ и Академијата во Јапонија, како и проферо на мастер класите низ зветот.