Младите музички уметници Тиана Димова, Вејчеслав Поповски, Анастасија Аврамовска, Ени Вучидолова и Бојан Ефтимов во петокот одржаа гала концерт во Македонскиот народен театар.
На концертот „Летај песно“, именуван по композицијата на композиторот Кире Костов беа изведени повеќе музички дела меѓу кои: Schindler’s List , My way, Чија си, The Prayer, Parla piu piano, Кога те нема, Caruso, Летај песно, Volare, The Winner Takes It All,….
За овој гала концерт Вејчеслав Поповски, кој е ученик во втора година во ДУМБЦ „Илија Николовски-Луј“ во Скопје самостојно ги подготви аранжманите за оркестарот.
На крајот на концертот се обратија координатор на овој проект Татјана Милојевиќ и претседателката Цветанка Орешковиќ од невладиното здружени „Акција&Реакција“, кои упатија благодарност до Министерство за култура, Македонски народен театар, ДУМБЦ „Илија Николовски- Луј“-Скопје и Факултет за аудиовизуелни уметности ЕСРА–Скопје.