Министерката за култура Елизабета Канческа-Милевска вечерва (19:00) ќе присуствува на снимањето сцена од најновиот игран филм „Лазар“ на Светозар Ристовски. Сцената ќе се снима во Градската општа болница „8 Септември“- Ургентен центар.
Главните улоги во филмот ги толкуваат Дејан Лилиќ, хрватскиот актер Ведран Живолиќ и Наташа Петровиќ, а во екипата се и Владо Јовановски, Тони Михајловски, актерите Красимира Кузманова и Александар Сано од Бугарија, хрватскиот актер Горан Навојец и Александра Балмазовиќ од Словенија.
Директор на фотографија е Дејан Димески, сценограф Игор Тошевски, а костимографи Катерина Колимбатовиќ и Невена Чакловиќ.
Филмот „Лазар“ финансиски е поддржан од Филмскиот Фонд на Република Македонија, од хрватскиот Аудиовизуелен центар, Националниот филмски центар на Бугарија, од СЕЕ Синема нетворк, Аризона дистрибјушн и од европскиот фонд „Еуримаж.