Во Изложбениот салон – Империјал 2 во КИЦ вечер ќе биде отворена изложбата на слулптури од Наим Исени што ќе трае до 17 април.
Исени е роден 1966 година во село Ваксинце, Куманово. Дипломирал на Факултетот за Уметности, отсек – скулптура во Приштина во 1992 гододина во класата на проф. Агим Чавдарбаша. Магистрирал на истиот факултет во 2002 година во класот на проф. Агим Руди на тема: „Форми и простори во современата скулптура“.
Досега одржал самостојни изложби во Домот на културата во Куманово во 1992 и во 2002 година, како и во Арт клуб АлтерНАТИВ во Скопје и Албанолошкиот институт во Приштина во 2002 година. Од 1989 до 2018 година учествувал и на повеќе групни изложби во Македонија, Косово, Албанија, Канада и Италија.
Од 2005 година е член на „Асоцијацијата на скулптори на Британска Колумбија” во Ванкувер, а добитник е и на повеќе награди за скулптура.