Изложба „Живот во бои 2“ на авторката Андријана Мациев од Скопје вечер ќе биде отворена во Центарот за култура „Бели мугри“ во Кочани.
На изложбата се поставни 15 сликарски платна – дела во кои е прикажано ликовното доживување на бојата. Оваа изложба е дел од вториот циклус „Живот во бои 2“, каде авторката го прикажува своето ликовно истражување во бојата.
Изложбата „Живот во бои 2“ ќе биде отворена до 20 септември 2017 година.
Андријана Мациев е родена на 16.9.1980 во Скопје. Средно образование завршила во Училиштето за применета уметност „Лазар Личеноски“ во Скопје, а дипломирала на Факултетот за ликовни уметности, Одделот графика во класата на професорот Димитар Малиданов.
Таа е член е на Друштвото на ликовни уметници на Македонија и на Здружението „Широка стаза“ од Земун. Изложува самостојно и учествува на повеќе групни изложби, манифестации и ликовни колонии во Македонија и надвор од државата. Добитник е на повеќе награди.