Музејот на современата уметност на 14 јуни во галерискиот простор на Културениот центар на Белград ќе ја отвори изложбата „Множество, божество, рождество“ на групата македонски уметници Моми.
Куратори на овој изложбен проект се Ива Петрова и Благоја Варошанец. Оваа изложба на Моми-те: Ана Ивановска, Марија Сотировска, Маја Кировска, Христина Зафировска, Зорица Зафировска, Кристина Хаџиева и Татјана Ристовска е дел од меѓународната програмска активност на Музејот за 2013 година.
Моми-те ќе се претстават се претстават со дела, изработени во различни техники: цртеж, сликарство, колаж, објект, инсталација.
Ова претставување во Белград финансиски е поддржан од Министерството за култура на Македонија.
Изложбата ќе ја отворат Елиза Шулевска, директорка на Музејот на современата уметност и Миа Давид, директорка на Културниот центар на град Белград.
Изложбата ќе биде отворена до 30 јуни.