Во Амбасадата на Република Македонија во Австрија вечер во рамки на Денови на македонската култура во Виена ќе биде презентиран проектот Made in Macedonia – Bricolage.
Проектот е симболична индикација за суптилниот свет на уметникот и претставува дела кои имаат хетерогеност при изборот на материјали и техники, артефакти, комбинирани, преработени во едно пошироко авторско видување, реаранжирање, бриколажирање,…
На изложбата,организирана по повод 20 години дипломатски односи меѓу Македонија и Австрија, ќе бидат преставени дела од Антони Мазневски, Атанас Атанасовски, групата ОПА (Слободанка Стевчевска, Денис Сарагиновски), Вана Урошевиќ, Жанета Вангели, Дијана Томиќ Радевска, Ивца Димевска и Исмет Рамиќевиќ.