Културниот центар „Кула“ организира изложба на дела кои се изработуваа за време на работилницата за „Land Art“. Производите од работилницата која се одвиваше од 13 до 14 јуни во Китка, ќе можат да се погледнат, вечерва 3 јули (петок) со почеток во 20 часот.
На изложбата се презентирани фотографии и видеа од инсталациите кои се изработија во текот на престојот во Китка.
„Делата кои се изработуваа беа создадени исклучиво од природни елементи со минимални интервенции од додатни материјали. На фотографиите ќе имате прилика да погледете инсталации, скулптури, дела налик на тотеми и сл. Целта на работилницата и нејзиниот креативен продукт демонстрира дека природата е уметност сама по себе, а ние како нејзини двигатели посредуваме со екстремна едноставност на елементи и форми. На тој начин создаваме симбиоза помеѓу делото и природата, што е целна мисла на овој проект“, велат организаторите.