Во Културно-информативниот центар на Република Македонија во Софија вечерва во 18:30 часот ќе биде отворена изложбата “Варијации” од Иван Пецов.
Изложбата ќе ја отвори директорот на КИЦ Васко Шутаров, а проектот е поддржан од Министерството за култура на Македонија.
Ликовниот уметник Иван Пецов од Виница, има завршено Академија за ликовни уметности во Софија, магистрирано графика, а докторирал на тема ѕидно сликарство. Член е на Друштвото на ликовните уметници на Македонија од 2004 година.
Зад себе има остварено бројни самостојни изложби во Македонија, Португалија и Бугарија. Учесник е на бројни групни изложби.