Изложба на фотографии од Атанас Талевски ќе биде отворена денеска од денеска до 25 овопј месец во Културно – информативниот центар „Култура 365“ во Охрид.
Талевски е роден во Велес каде го минува поголемиот дел од животот, а од 1990 година живее во Охрид. Престојувал и во други земји, најмногу во Германија, Англија, Виетнам, Камбоџа и Мали.
Со фотографија се занимавал од детските години, а по доселувањето во Охрид, фотографирањето му станува основната дејност. Цел на неговиот објектив се старите села, обичниот човек и неговата судбина, природата. Во пролетта 2001 година во приземјето на својот дом во Охрид, Талевски ја отвора постојаната изложба „Впечатоци од Македонија“ со тоа е отворена првата охридска уметничка галерија специјализирана за фотографска уметност. Галеријата функционираше сѐ до смртта на авторот.