Во Уметничката галерија во Куманово вечер во 19.30 часот, ќе биде отворена изложба на дела „Моменти 2“ од академскиот сликар Слободан Тимчевски-Линка.
Ќе бидат претставени триесетина дела работени во техниката акрил на платно. Претходно ликовниот наставник од Куманово Тимчевски изложи 25 дела во Центарот за култура „Трајко Прокопиев“ на изложба насловена „Моменти“.
Вечерашната ќе биде негова четврта самостојна изложба. Тимчевски учествувал на групни изложби и на повеќе од 20 интернационални ликовни колонии.