Со изложбата на историски фотографии „Италија и Македонија: мост долг 100 години“ – Сведоштва за присустви на италијански војници пред и за време на Големата војна, денеска ќе биде отворена 14. Недела на италијанскиот јазик во светот.
Изложбата ќе ја отвори амбасадорот на Италија во Македонија Ернесто Масимино Белели, а свое обраќање ќе имаат професорот Наташа Котлар – Трајкова, претседател на Здружението на историчари и проф. д-р Александар Стојчев, директор на Воениот музеј.
Куратот на изложбата е доц. д-р Ирена Авировиќ, секретар на Здружението на историчарите на Македонија.