Театарскат претстава „Изеди ме” е авторско дело на Златко Митрески и Македонка Илиевска како реакција на еден шокантен вистински случај во Германија, кога инженерот Армин Мајвес постира на интернет дека бара „убав, млад, интелигентен, атлетски маж, за да го изеде”.
На поканата, по сопствена желба / преседан во историјата на западната цивилизација / прифатил еден компјутерски програмер Јирген Брандс, кој е изеден од Мајвес.
„Изеди ме” не ја буквализира фактологијата и не се бави со булевардноста на случката, не бара евтина сензација, а ги бара корените, мотивација, во ткивото на самата цивилизација, во моделите на размислување, натпревар и поделба, кои што таа ја наложува; претставата ги истражува причините и меѓучовечките односи.
Во таа смисла ова дело е филозофско, отворено, чесено, брутално. Игрово и забавно проникнување во природата на машко-женските односи. Тоа е и социјалната метафора и критика на нео-либералниот капитализам во кој живееме по дарвиновиот принцип “јади за да не бидеш изеден”.
Во Случајот „Изеди ме”има сепак и многу хуманизам и верба во човечкиот дух. Потребата од љубов и потрага по неа. Пиесата ја соголува човековата осаменост и биолошката детерминираност, но и наоѓа топлина и смисла и ја остава публиката позитино шокирана и наполнета. Функционира преку принципот „предупреден значи вооружен”.
Премиерата ќе се оддржи на 29.12.2022 година во Ценмтарот за култура во Ѓорче Петров.