Експертите од светот на уметноста сега треба да решат уште една загатка за “Спасител на светот” – каде е оваа слика, бидејќи требаше да биде изложена на јавноста од септември минатата година.
Во светло на новооткриените факти дека британската Национална галерија не направила доволно за да го оспори припишувањето на “Спасител на светот” на Леонардо да Винчи, сомневањата за автентичноста на најскапата слика во светот повторно се загреваат. За да е поинтересно, “никој не знае” каде е сликата, иако требаше да биде изложена од септември минатата година.
Британските медиуми неодамна тврдеа дека Националната галерија на Лондон не го подигнала доволно гласно сомневањето дека сликата е дело на Леонардо да Винчи, пред да биде продадена на аукцијата, со што директно ги заведува потенцијалните купувачи.
Вредноста на “Спасител на светот” се зголеми од 1,175 до 450 милиони долари, кога петчлениот тим на експерти формиран пред Националната галерија одлучи во 2008 година дека е оригинален Да Винчи. Сепак, овој суд е сега во сомнеж, бидејќи фактите за одделни гласови се излеале: два “да”, еден “не” и два “нема коментари”.