На сцената од Центарот за култура „Марко Цепенков“ во Прилеп синоќа македонската музичка група која изведува етно-музика, „Љубојна“, одржа целовечерен концерт.
Групата „Љубојна“ ја одушеви прилепската публика со својот настап, емотивно изведуваќи ја музиката со етно-елементи.
Повеќе од 20 години „Љубојна“ работи на проекти што се засноваат на истражувања на македонската музика и култура.
Групата е зад повеќе проекти, перформанси, музика за филмови и настапува во светот со разновидни мултимедијални претстави.
„Љубојна“ досега има објавено девет албуми.