На 29-ти април – „Интернационалниот ден на желбата“, во кафе бар „Излет“, ќе се одржи втората самостојна изложба на младата и креативна Христина Тарабунова, која ќе се претстави со рачно ткаени парчиња мутави (черги) на еден сосема индивидуален начин, многу поразличен од традиционалниот.
Изложбата „13 причини зошто: Оној кој ќе зачува живот, го чува цел свет“ ќе биде од продажен карактер, а покрај Тарабунова ќе учествуваат уште 10 млади талентирани уметници.
Проектот е замислен како целодневна забава, а собраните средства ќе бидат донирани во фондацијата Златна Рипка за децата болни од тешки болести од одделот Онкологија во Државна болница. Настанот ќе биде отворен за сите посетители, а влезот е бесплатен.