Во Националната галерија на Македонија, објект Чифте амам, денеска ќе биде отворена Годишна изложба на основни училишта од град Скопје.
Ќе бидат претставени најкреативните и најинтересните дела од млади уметници, на тема „Старата скопска чаршија и традиционалните занаети“.
Изложбата е со натпреварувачки карактер, а е организирана во соработка со ликовните педагози од скопските основни училишта.
– Целта на оваа изложба е подобрување на воспитно-образовниот процес во училиштата и јавно презентирање на индивидуалните и групните творби на најмладата популација од основните училишта во Скопје, соопшти Националната галерија на Македонија.