ФОТО: Заев го отвори 9. филмски фестивал „Астерфест“

Од:

Вчера вечер во Струмица беше отворен деветтиот интернационален филмски фестивал „Астерфест“. На свеченото отворање беше врачено признанието „Астер“ за високи достигнување во авторскиот филм на годинашниот добитник, словенечкиот режисер родум од Скопје Карпо Година, а на германскиот синеаст Ларс Хенрик Гас му беше врачено почесното признание за вонсериски достигнувања во полето на краткиот филм.

Фестивалот го отвори и наградите ги врачи градоначалникот на општина Струмица, Зоран Заев.

zaev vracuvanje nagradi-1

– Искрено се надевам дека во наредните пет дена, од овој специјалитет наречен „Астерфест“, со задоволство ќе се насладуваат и најпребирливите љубители на духовната храна. Уверен сум дека на тој начин сите ќе бидеме сведоци дека „Астерфест“ успешно го искачува и деветтото скалило во намерата да го достигне струмичкото ѕвездено небо од каде што се отвара видикот кон сите филмски соѕвездија од магичниот универзум.

– Ако и овој пат сме сведетели на евидентниот прогрес и растеж на ова наше културно чедо, тогаш неминовно ќе биде да заклучиме дека Астерфест е успешна приказна, вредна за почит.

zaev vracuvanje nagradi-2

– „Астерфест“ на најдобар можен начин докажува дека и малите фестивали можат да бидат големи по својата мисија, дека и нискобуџетните фестивали можат да имаат високи стремежи и високи дострели, рече градоначалникот Заев во своето обраќање.

Официјалната натпреварувачка програма на годинашниот „Астерфест“ кој завршува на 5. јуни е групирана во три категории со по седум филмови, а љубителите на филмот ќе можат да уживаат и во богатата ревијална програма.

Би можело да ве интересира

Кој ќе биде новиот Џејмс Бонд

Предраг Петровиќ

Познатата заводлива русокоса изгледа сосема непрепознатливо

Предраг Петровиќ

Полицијата уапси пироман кој опожари две возила во кругот на струмичката болница

Две хаварисани возила изгореа во кругот на струмичката болница

Синот на Шварценегер за снимањето на „Белиот лотос“: Семејството се уште не знае за моите голи сцени

Предраг Петровиќ

Во Струмица се одржа протестен марш против енормното загадување