Во НУ Центар за култура „Трајко Прокопиев“ во Куманово утре во 20 часот ќе се отвори втората Меѓународната изложба на уметничка фотографија „Streets 2013″.
Изложбата која што е од натпреварувачки карактер ја организира Фото клуб Козјак и Центарот за Култура.
„Streets 2013″ доби признание за успешна организација од најстарото здружение на уметничка фотографија ФИАП, ИААП, ПСА, ИСФ, ФСМ и посебно признание од Меѓународното здружение на уметничка фотографија УПИ.
Изложбата на едно место собра 731 автори од 70 држави. Во жири комисијата учествуваа претседателот на УПИ, Манолис Метазакис од Грција, Серкан Турац од Турција и Душко Јовановски од Македонија.
Доделени се 67 награди, како и наградата за најдобар автор која ја доби фотографот H.W.Chan, од Хонг Конг.
Елена Георгиевска