Француската алијанса од Битола, во соработка со Центарот за култура – Битола и Fранцускиот институт од Скопје, синоќа ја организираше изложбата на реномираниот уметник Киро Урдин под наслов Планетариум.
Изложбата е прва по 20 години во Македонија и со неа беа отворени деновите на дранкофонијата – Франкофонска пролет во Скопје.
Директорот на Центарот за култура во Битола пред самото отворање на изложбата рече дека е задоволен и среќен што во соработка со Француската алијанса и француската амбасадорка успеале да ја донесат изложбата и пред битолчани.
Изложбата ја отвори амбасадорката на Франција, г-ѓа Лорен Оер, која за Киро Урдин рече дека е француско-македонски уметник, чии дела се со универзално значење во уметноста.
На изложбата беа презентирани 12 поголеми формати масло на платно, работени во последните пет години, и други поголеми фотографии, кои се пресек на целокупниот творечки пат на уметникот.
