Европа денес го слави својот Ден, ги слави идеалите кои значат мир, надеж и единство. Европскиот дух најдобро се чувствува преку уметноста, преку емоциите кои кај сите нас ги будат нивните дела.
Во рамките на одбележувањето, синоќа, беше отворена изложба на реномираниот унгарско-француски уметник Виктор Вазарели, таткото на оп-арт правецот во уметноста.
Ова уживање за почитувачите на уметноста беше во организација на ОСТЕН, делегацијата на ЕУ, Унгарската амбасада, Францускиот институт Скопје и општина Центар.
Амбасадорите на Унгарија и на Франција потенцираа дека Вазарели е симболот на Европа.
„Вазарели неуморно цел живот барал начин да создаде општествена уметност, достапна за сите. Она што сакам да го кажам, е дека општина Центар и натаму ќе ја подржува уметноста и културата преку организирање на врвни настани“, рече градоначалникот на Центар, Андреј Жерновски.
Изложбата, на која се ќе презентирани 70 уметнички дела од овој светски познат уметник ја отвори Амбасадорот на ЕУ, Аиво Орав.
Изложбата во галеријата ОСТЕН ќе биде отворена до 28.мај.2013.