Староградски ансамбли и групи од земјава и соседството ќе бидат дел до годинашниот, трет по ред, Фестивал на староградски песни и серенади „Осоговска староградска вечер“, кој ќе се одржи утревечер на плоштадот „Карпошово востание“ во Крива Паланка.
Од локалната самоуправа на општината информираат дека со овој настан ќе отпочне програмата на „Кривопаланечко културно лето 2017“.
На настанот кој ќе почне во 20 часот ќе настапат: групата за староградски песни „Делчевски еснафи” и женската пејачка група „Ѓурѓа“, двете од Делчево, Ансамблот за староградски песни „Серенада“, Виница, „Распеани валандовчани“ од Валандово, староградска група „Извор“ од Врање, Република Србија и друштвото „Распеани Кривопаланчани “, Крива Паланка.
Фестивалот има за цел зачувување на староградските песни од разни краишта, кои се негувале во минатото и биле неизоставен дел од сите градски случувања. Манифестацијата е во организација на општината и Центарот за култура во Крива Паланка.