Во рамки на манифесатцијата „Културно лето“, на плоштадот во Крушево во 20 часот ќе настапат членовите на КУД „Преспа“ од Мала Преспа, Албанија, кои ќе исполнат песни и ора од преспанскиот крај.
Како што соопшти Министерството за култура, во рамки на програмата, предвиден е и концерт на јапонскиот состав „Пирамидос“, кој ќе изведе познати музички нумери од балканските земји.
Порано, во 18 часот ќе биде реализиран уметничкиот проект „Реинконто“. Настанот започнува во 18 часот во црквата „Св. Никола“ со венчавката на грчката уметница Фотели со Македонецот Божиновски.
Пред споменикот на Илинден на Гумење, утре концерт ќе одржи етно-составот „Љубојна“, а потоа со свечено спуштање на знамето на Крушевската Република и официјално ќе биде означен крајот на научно-културната манифестација „Десет дена Крушевска Република“.