Претставата „Весела училница“ со омилените детски ликови Маша и Медо, денеска ги забавува и едуцира децата од Гевгелија, во рамките на проектот што го организираат продукцијата „Сцена“ и издавачката куќа „Култура“ во соработка со „Еуролинк осигурување“.
Претставата, според организаторите, е наменета за деца од предучилишна и рана училишна возраст, инспирирана од постојаниот страв на децата од почнување во училиште. Освен забавен, претставата има и едукативен карактер со цел низ репликите на учителот, учениците и Маша и Медо, децата да се воведат во училишната атмосфера.
Во рамките на проектот поставен е забавен и едукативен караван во вид на училишен двор каде што децата се дружат и активно учествуваат во интерактивни игри во кои може да освојат и награда.
Поради големиот интерес претставата „Весела училница“ во Гевгелија ќе има две изведби.