Во Музејот на град Скопје е поставена изложба на дела работени на 9. Меѓународна ликовна колонија „Скопје 2014“. Изложбата е во рамки на манифестацијата за одбележувањето на 70-годишнината од ослободувањето на Скопје.
На изложбата се претставени ликовни дела на десет академски уметници, припадници на различни генерации кои живеат и создаваат во различни средини. Пет од десетте уметници се од Македонија, а пет од странство.
Ликовните дела се создадени за време на ликовната колонија што се одржа од 20 до 30 август во организација на Град Скопје, Музејот на град Скопје и хотелот Солун.
Изложбата ќе биде поставена во Музејот на град Скопје до 24 ноември.